Dell XPS 13 Series Laptop Launch: AI ଫିଚର୍ସ ସହ ଆସିଲା ଡେଲ୍ର ନୂଆ ଲାପଟପ୍, ଟଚ୍ସ୍କ୍ରିନ୍ ସହ ରହିଛି ଦମ୍ଦାର ଫିଚର୍ସ
ଡେଲ୍ ଭାରତରେ ଏକ ନୂତନ XPS ସିରିଜ୍ ଲାପଟପ୍ ଲଞ୍ଚ କରିଛି । ଏହି ଡେଲ୍ ଲାପଟପ୍ AI ଫିଚର୍ସ ସହିତ ସଜ୍ଜିତ ଏବଂ ଏକ ଟଚସ୍କ୍ରିନ୍ ସହିତ ଆସିଥାଏ । କମ୍ପାନୀ ୩୨GB ପର୍ଯ୍ୟନ୍ତ RAM ଏବଂ 1TB ପର୍ଯ୍ୟନ୍ତ ଷ୍ଟୋରେଜ୍କୁ ସପୋର୍ଟ କରିଛି । ଏହି ଲାପଟପ୍ ଏକ ଆଲୁମିନିୟମ୍ ଚାସିସ୍ ସହିତ ଆସିଥାଏ । ଯାହା ଦ୍ବାରା ଏହାର ଓଜନ ବହୁତ ହାଲୁକା ରହିଛି । ଏହା Apple MacBook, HP OmniBook, ଏବଂ Lenovo ର AI-ଫିଚର୍ସଯୁକ୍ତ ଲାପଟପ୍ ସହିତ ସିଧାସଳଖ ପ୍ରତିଯୋଗିତା କରିବ । କମ୍ପାନୀ ଏହି ବର୍ଷ ଆରମ୍ଭରେ ଭାରତରେ Dell 15 ସିରିଜ୍ ପ୍ରଚଳନ କରିଥିଲା ।
ଫିଚର୍ସ:
ଡେଲର ନୂତନ XPS 13 ଲାପଟପ୍ ୧୩.୪ଇଞ୍ଚର 2.5K ରେଜଲ୍ୟୁସନର ଟଚସ୍କ୍ରିନ୍ ଡିସପ୍ଲେ ସହିତ ଲଞ୍ଚ କରିଛି । ଏହାର ଡିସପ୍ଲେ ରିଜୋଲ୍ୟୁସନ୍ 2560 x 1600 ପିକ୍ସେଲର ରହିଛି । ଏହି ଡିସପ୍ଲେ 120Hz ରିଫ୍ରେସ୍ ରେଟ୍ ଏବଂ 500 nits ପର୍ଯ୍ୟନ୍ତ ପିକ୍ ବ୍ରାଇଟନେସକୁ ସପୋର୍ଟ କରିଥାଏ । ଏହାର ଗ୍ଲାସ୍ ଟଚପ୍ୟାଡ୍ ହେଉଛି ଏହି ପ୍ରିମିୟମ୍ ଲାପଟପ୍ର ଏକ ଖାସ୍ ଫିଚର୍ସ । ଏହା ବ୍ୟତୀତ, ଏହାର ବଡିରେ କମ୍ପୋଜିଟ୍ ଆଲୁମିନିୟମ୍ ବ୍ୟବହାର କରାଯାଇଛି ।
ଏହି AI ଲାପଟପ୍ଟି Intel Core Ultra 7 Series 3 ଚିପ୍ସେଟ୍ ଦ୍ୱାରା ପରିଚାଳିତ । ଯାହା ସହିତ ଏକ ସମନ୍ୱିତ ଗ୍ରାଫିକ୍ସ କାର୍ଡ ପ୍ରଦାନ କରାଯାଇଛି । ଏଥିସହିତ ଏହି Intel ଚିପ୍ସେଟ୍ଟି NPU ସହିତ ଆସିଥାଏ, ଅର୍ଥାତ୍ ଏଥିରେ AI ବ୍ୟବହାର କରିପାରିବ । କନେକ୍ଟିଭିଟି ଅପ୍ସନଗୁଡ଼ିକ ମଧ୍ୟରେ WiFi 7 ଏବଂ Bluetooth 6.0 ସାମିଲ ରହିଛି । ଏହା Windows 11 Home Basic ଅପରେଟିଂ ସିଷ୍ଟମରେ ଚାଲିଥାଏ । ଏଥିରେ ଏକ 2MP IR ୱେବକ୍ୟାମ୍ ମଧ୍ୟ ରହିଛି । ଏହା Windows Helloକୁ ସପୋର୍ଟ କରିଥାଏ ।
କମ୍ପାନୀ ଏକ 52Whr ବ୍ୟାଟେରୀ ଏବଂ ଏକ 65W ଆଡାପ୍ଟର ପ୍ରଦାନ କରିଛି । ଏହା Microsoft Office Home ଏବଂ Microsoft 365 Basic ସବସ୍କ୍ରିପସନ ସହିତ ଆସିଥାଏ । ଏହା ୩୨GB ପର୍ଯ୍ୟନ୍ତ LPDDR5 RAM ଏବଂ 1TB ପର୍ଯ୍ୟନ୍ତ SSD ଷ୍ଟୋରେଜକୁ ସପୋର୍ଟ କରିଥାଏ ।
ପ୍ରାଇସ୍:
ଏହି ଡେଲ୍ ଲାପଟପ୍ ତିନୋଟି ଷ୍ଟୋରେଜ୍ ଭାରିଆଣ୍ଟ ଅପ୍ସନରେ ଉପଲବ୍ଧ । 16GB RAM + 512GB ଷ୍ଟୋରେଜର ପ୍ରାରମ୍ଭିକ ଭାରିଆଣ୍ଟର ମୂଲ୍ୟ ୧,୮୦,୯୯୦ । ଅନ୍ୟ ଦୁଇଟି ଭାରିଆଣ୍ଟ 16GB RAM + 1TB ଏବଂ 32GB RAM + 1TB ର ମୂଲ୍ୟ ୨,୦୦,୯୯୦ ଟଙ୍କା ଏବଂ ୨,୪୧,୯୯୦ ଟଙ୍କା ରହିଛି । ଏହି ଲାପଟପ୍ ଗୋଟିଏ କଲର ଅପ୍ସନ ସ୍କାଏରେ ଉପଲବ୍ଧ । ଏହା କମ୍ପାନୀର ଅଫିସିଆଲ୍ ଷ୍ଟୋର, ଏବଂ ପ୍ରମୁଖ ଅନଲାଇନ୍ ଏବଂ ଅଫଲାଇନ୍ ଖୁଚୁରା ବିକ୍ରେତାମାନଙ୍କ ମାଧ୍ୟମରେ ଉପଲବ୍ଧ ହେବ ।