ଆପଣ ଯଦି ଗ୍ରାଜୁଏସନ୍ ପାଠପଢ଼ା ଶେଷ କରିଛନ୍ତି ଏବଂ ବ୍ୟାଙ୍କିଂ କ୍ଷେତ୍ରରେ ନିଜର ଭଲ କ୍ୟାରିୟର ଗଢ଼ିବାକୁ ଚାହୁଁଛନ୍ତି, ତେବେ ଆପଣଙ୍କ ପାଇଁ ଏକ ବଡ଼ ଖୁସି ଖବର ଆସିଛି । ୟୁକୋ ବ୍ୟାଙ୍କ ପକ୍ଷରୁ ଦେଶର ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଗ୍ରାଜୁଏଟ୍ ଆପ୍ରେଣ୍ଟିସ୍ ପଦବୀରେ ନିଯୁକ୍ତି ପାଇଁ ଅଫିସିଆଲ୍ ନୋଟିଫିକେସନ୍ ଜାରି କରାଯାଇଛି । ବ୍ୟାଙ୍କରେ କାମ କରିବାର ପ୍ରାକ୍ଟିକାଲ୍ ଅନୁଭୂତି ହାସଲ କରିବା ସହ ଷ୍ଟାଇପେଣ୍ଡ୍ ପାଇବା ପାଇଁ ଯୁବକ-ଯୁବତୀଙ୍କ ନିକଟରେ ଏହା ଏକ ସୁବର୍ଣ୍ଣ ସୁଯୋଗ ରହିବ । ୟୁକୋ ବ୍ୟାଙ୍କରେ ମୋଟ ୫୩୨ଟି ଆପ୍ରେଣ୍ଟିସ୍ ପଦବୀ ପାଇଁ ବଡ଼ ନିଯୁକ୍ତି ବାହାରିଛି ।
ପଦବୀ ବିବରଣୀ: ୫୩୨
ଆବେଦନ ତାରିଖ : ଇଚ୍ଛୁକ ଓ ଯୋଗ୍ୟ ପ୍ରାର୍ଥୀମାନେ ଆସନ୍ତା ୨୯ ଅକ୍ଟୋବର ପର୍ଯ୍ୟନ୍ତ ଅନଲାଇନରେ ଆବେଦନ କରିପାରିବେ ।
ବୟସ ସୀମା : ଆବେଦନକାରୀଙ୍କ ବୟସ ସୀମା ୨୦ ବର୍ଷରୁ ୨୮ ବର୍ଷ ମଧ୍ୟରେ ହୋଇଥିବା ଆବଶ୍ୟକ । SC, ST, OBC ଏବଂ PWD ପ୍ରାର୍ଥୀଙ୍କ ପାଇଁ ବୟସ ସୀମା ଛାଡ କରାଯାଇଛି ।
ଶିକ୍ଷାଗତ ଯୋଗ୍ୟତା : ଯେକୌଣସି ମାନ୍ୟତାପ୍ରାପ୍ତ ବିଶ୍ୱବିଦ୍ୟାଳୟ କିମ୍ବା ଶିକ୍ଷାନୁଷ୍ଠାନରୁ ଯେକୌଣସି ବିଭାଗରେ ସ୍ନାତକ ଡିଗ୍ରୀ ହାସଲ କରିଥିବା ଆବଶ୍ୟକ ।
ଆବେଦନ ପ୍ରକ୍ରିୟା :
ପ୍ରଥମେ ଏହାର ଅଫିସିଆଲ ୱେବସାଇଟକୁ ଯାଆନ୍ତୁ ।
ହୋମପେଜରେ Recruitment / Careers ସେକ୍ସନକୁ ଯାଇ କ୍ଲିକ୍ କରନ୍ତୁ ।
“Engagement of Apprentices”ଲିଙ୍କରେ କ୍ଲିକ କରି ନୋଟିଫିକେସ ଉପରେ ଧ୍ୟାନ ଦିଅନ୍ତୁ ।
ଶିକ୍ଷାଗତ ବିବରଣୀ ଏବଂ ଆବଶ୍ୟକୀୟ କାଗଜକୁ ଅପଲୋଡ କରନ୍ତୁ ।
ଆବେଦନ ଶୁଳ୍କ ଦେଇ ଅନଲାଇନରେ ଅପଲୋଡ କରନ୍ତୁ ଏବଂ ଶେଷରେ ପ୍ରିଣ୍ଟଆଉଟ୍ କାଢି ସୁରକ୍ଷିତ ସହିତ ରଖନ୍ତୁ ।
