SC Interim Order on Delhi Protest: ଇଣ୍ଟରନେଟ୍ ସେବା ସମେତ ପରିସ୍ଥିତିକୁ ସ୍ବାଭାବିକ କରିବାକୁ କଡ଼ା ନିର୍ଦ୍ଦେଶ ଦେଲେ ସୁପ୍ରିମକୋର୍ଟ
ସୁପ୍ରିମକୋର୍ଟ ୧୦ ଅକ୍ଟୋବରରେ ଦିଲ୍ଲୀରେ ବିକ୍ଷୋଭ ସମୟରେ ମେଟ୍ରୋ ଷ୍ଟେସନ ବନ୍ଦ କରିବା ଏବଂ ଓକିଲ ଏବଂ ସାମ୍ବାଦିକଙ୍କୁ ଅଟକ ରଖିବା ବିରୋଧରେ ଏକ ମାମଲାର ଶୁଣାଣି କରିଥିଲେ । କୋର୍ଟ ଦିଲ୍ଲୀ ପୋଲିସକୁ ନୋଟିସ ଜାରି କରି କଡ଼ା ନିର୍ଦ୍ଦେଶ ଦେଇଛନ୍ତି ।
ସୁପ୍ରିମକୋର୍ଟ ଦିଲ୍ଲୀ ପୋଲିସକୁ ଅବମାନନା ନୋଟିସ ଜାରି କରିଛନ୍ତି । କୋର୍ଟ ଦିଲ୍ଲୀରେ ଟ୍ରାଫିକ୍ ଏବଂ ଇଣ୍ଟରନେଟ୍ ସେବାକୁ ସ୍ୱାଭାବିକ କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି । ଲୋକଙ୍କୁ ସେମାନଙ୍କର ବୃତ୍ତିଗତ କାର୍ଯ୍ୟ କରିବାରୁ ବାରଣ କରାଯିବା ଉଚିତ୍ ନୁହେଁ ବୋଲି ସୁପ୍ରିମକୋର୍ଟ କହିଛନ୍ତି । ଦିଲ୍ଲୀରେ ଲାଗୁ ହୋଇଥିବା କଟକଣା ସମ୍ପର୍କରେ, ସୁପ୍ରିମକୋର୍ଟ କେନ୍ଦ୍ର ସରକାରଙ୍କ ପକ୍ଷରୁ ଉପସ୍ଥିତ ସଲିସିଟର ଜେନେରାଲ (SG)ଙ୍କୁ କହିଛନ୍ତି ଯେ, ଲୋକମାନଙ୍କୁ ସେମାନଙ୍କର ବୃତ୍ତିଗତ କାର୍ଯ୍ୟ କରିବାରେ କୌଣସି ଅସୁବିଧାର ସମ୍ମୁଖୀନ ହେବା ଉଚିତ୍ ନୁହେଁ । ମେଟ୍ରୋ ସାଧାରଣ ସମୟସାରଣୀ ଅନୁସାରେ ପରିଚାଳିତ ହେବା ଉଚିତ ।
ଏଥିସହ ଆଇନ ଶୃଙ୍ଖଳା ପରିସ୍ଥିତି ଉପରେ ନିର୍ଭର କରି ଆବଶ୍ୟକ ହେଲେ ନିୟମାବଳୀ ଲାଗୁ କରାଯାଇପାରେ । କୋର୍ଟ ସମ୍ବିଧାନର ଧାରା 19(2) ମଧ୍ୟ ଉଲ୍ଲେଖ କରିଛନ୍ତି । ସହରରେ ଇଣ୍ଟରନେଟ୍ ସେବା ସ୍ୱାଭାବିକ ପୁନଃସ୍ଥାପନ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଏହା ସହିତ ଦିଲ୍ଲୀର ବିଭିନ୍ନ ସ୍ଥାନରେ ଲଗାଯାଇଥିବା ବ୍ୟାରିକେଡ୍ ହଟାଇବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି । ଆବଶ୍ୟକ ସ୍ଥଳେ କେବଳ ବ୍ୟାରିକେଡ୍ ଲଗାଯିବା ଉଚିତ । ତେଣୁ ବର୍ତ୍ତମାନ ବ୍ୟାରିକେଟ୍ ହଟାଇ ଗତିବିଧିକୁ ସ୍ୱାଭାବିକ କରାଯାଉ । ବେଆଇନ୍ ଭାବେ କାହାକୁ ଅଟକ ନରଖିବାକୁ ନିର୍ଦ୍ଦେଶ ଦିଆଯାଇଛି । କିନ୍ତୁ ଆଇନ ଶୃଙ୍ଖଳା ବଜାୟ ରଖିବା ପାଇଁ ଆବଶ୍ୟକ ହେଲେ ଉପଯୁକ୍ତ କଟକଣା ଲାଗୁ କରାଯାଇପାରେ ।