ବୈଦିକ ଜ୍ୟୋତିଷରେ ଗ୍ରହମାନଙ୍କର ରାଜା ସୂର୍ଯ୍ୟଙ୍କୁ ଆତ୍ମବିଶ୍ବାସ, ଶକ୍ତି, ସମ୍ମାନ, ଉଚ୍ଚ ପଦବୀ, ପ୍ରଶାସନିକ ସଫଳତା ଏବଂ ଘନିଷ୍ଠତାର କାରକ ଭାବେ ବିବେଚନା କରାଯାଏ । ଯେତେବେଳେ ସୂର୍ଯ୍ୟ ତାଙ୍କ ରାଶି ପରିବର୍ତ୍ତନ କରନ୍ତି ସେତେବେଳେ ଦେଶ ଏବଂ ବିଶ୍ବ ଉପରେ ପ୍ରଭାବ ପକାଇଥାଏ । ପଞ୍ଚାଳକ ଅନୁସାରେ, ଗ୍ରହମାନଙ୍କର ରାଜା ସୂର୍ଯ୍ୟ ୧୭ ଅଗଷ୍ଟ ୨୦୨୬ ରେ ନିଜ ରାଶି ସିଂହରେ ପ୍ରବେଶ କରିବାକୁ ଯାଉଛନ୍ତି । ସୂର୍ଯ୍ୟଙ୍କ ନିଜ ରାଶିରେ ପ୍ରବେଶ ଅତ୍ୟନ୍ତ ପ୍ରଭାବଶାଳୀ ବୋଲି ବିବେଚନା କରାଯାଏ । ଯାହା ଅନେକ ରାଶିଙ୍କ ପ୍ରଗତି ପାଇଁ ଦ୍ବାର ଖୋଲିଥାଏ । ଏହି ଭ୍ରମଣ ମେଷ ଠାରୁ ମୀନ ପର୍ଯ୍ୟନ୍ତ ସମସ୍ତ ୧୨ଟି ରାଶି ଉପରେ କି ପ୍ରଭାବ ପକାଇବ ଆସନ୍ତୁ ଜାଣିବା ।
ମେଷ : ସୂର୍ଯ୍ୟଙ୍କ ଏହି ଗମନ ଆପଣଙ୍କ ପଞ୍ଚମ ଘରେ ହେବ । ଏହି ସମୟ ଛାତ୍ରଛାତ୍ରଙ୍କ ପାିଁ ଅନୁକୂଳ ରହିବ । ଚାକିରି କରୁଥିବା ବ୍ୟକ୍ତିମାନଙ୍କୁ ନୂତନ ଦାୟିତ୍ୱ ମିଳିପାରେ । ପ୍ରେମ ସମ୍ପର୍କ ଅଧିକ ମଧୁର ହେବ । ଆପଣଙ୍କ ସନ୍ତାନମାନଙ୍କଠାରୁ କିଛି ଭଲ ଖବର ମିଳିପାରେ ।
ବୃଷ: ଏହି ଭ୍ରମଣ ଆପଣଙ୍କ ଚତୁର୍ଥ ଘରେ ହେବ । ଏହି ସମୟରେ ଜମି, କୋଠା, ଯାନବାହାନ ଏବଂ ସମ୍ପତ୍ତି ସମ୍ବନ୍ଧୀୟ ମାମଲାରେ ବିପୁଳ ଲାଭ ପାଇବାର ସମ୍ଭାବନା ରହିଛି । ପାରିବାରିକ ଜୀବନ ସୁଖମୟ ହେବ । ହେଲେ ଆପଣଙ୍କ ମାଙ୍କ ସ୍ବାସ୍ଥ୍ୟାବସ୍ଥା ବିଗିଡିପାରେ । ତେଣୁ ବିଶେଷ ଧ୍ୟାନ ଦିଅନ୍ତୁ ।
ମିଥୁନ : ଏହି ସମୟରେ ଆପଣଙ୍କ ସାହାସ ଯଥେଷ୍ଟ ପରିମାଣରେ ବଢିବ । ସାନ ଭାଇ ଓ ଭଉଣୀଙ୍କର ସପୋର୍ଟ ଆପଣଙ୍କୁ ମିଳିବ । କର୍ମ କ୍ଷେତ୍ରରେ ଆପଣଙ୍କ କାମକୁ ପ୍ରଶଂସା ମିଳିବ ।
କର୍କଟ : ସୂର୍ଯ୍ୟଙ୍କ ଏହି ଗୋଚର ଆପଣଙ୍କ ଦ୍ବିତୀୟ ଘରେ ହେବ । ଫଳରେ ଆପଣଙ୍କ ଆର୍ଥିକ ସ୍ଥିତି ସୁଦୃଢ଼ ହେବ । ଆପଣ ଧନ ସଂଗ୍ରହ କରିବାରେ ସଫଳ ହେବେ । ଆପଣଙ୍କ ବାଣୀ ବୃଦ୍ଧି ପାଇବ, ଯାହା ଲୋକଙ୍କୁ ପ୍ରଭାବିତ କରିବ । ପାରିବାରିକ ବ୍ୟବସାୟରେ ମଧ୍ୟ ଲାଭ ମିଳିବ ।
ସିଂହ ରାଶି: ସୂର୍ଯ୍ୟ ଆପଣଙ୍କ ରାଶିରେ ଭ୍ରମଣ କରୁଛନ୍ତି । ଯାହା ଦ୍ବାରା ଆପଣଙ୍କ ବ୍ୟକ୍ତିତ୍ୱର ଆକର୍ଷଣ ଏବଂ ଆତ୍ମବିଶ୍ୱାସକୁ ନୂତନ ଉଚ୍ଚତାକୁ ବୃଦ୍ଧି କରିବ । ଚାକିରି କରିଥିବା ବ୍ୟକ୍ତିମାନଙ୍କୁ ପଦୋନ୍ନତି କିମ୍ବା ନୂତନ ଦାୟିତ୍ୱ ମିଳିପାରେ । ବ୍ୟବସାୟୀମାନଙ୍କୁ ନୂତନ ପ୍ରକଳ୍ପ ଏବଂ ବ୍ୟବସାୟ ବିସ୍ତାର ପାଇଁ ମହାନ ସୁଯୋଗ ମିଳିବ ।
କନ୍ୟା : ଏହି ସମୟରେ ଆପଣଙ୍କ ବିଦେଶ ଯାତ୍ରା କରିପାରନ୍ତି ଏବଂ ସେଥି ସହିତ ଜଡିତ କାମରୁ ଲାଭ ମିଳିପାରେ । ଖର୍ଚ୍ଚ ସାମାନ୍ୟ ବଢିବ । କୋର୍ଟ ମାମଲାରୁ ଆଶ୍ବସ୍ତି ମିଳିବ । ସ୍ବାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ ।
ତୁଳା: ଏହି ସମୟରେ ଆପଣଙ୍କ ଆୟ ଏବଂ ଲାଭର ନୂତନ ଉତ୍ସ ସୃଷ୍ଟି ହୋଇପାରେ । ଦୀର୍ଘଦିନରୁ ଅଟକି ରହିଥିବା କାମ ପୂରଣ ହେବ । କ୍ୟାରିୟରରେ ପଦୋନ୍ନତି କିମ୍ବା କୌଣସି ବଡ଼ ପ୍ରୋଜେକ୍ଟ ମିଳିପାରେ ।
ବିଛା: କର୍ମକ୍ଷେତ୍ରରେ କଠିନ ପରିଶ୍ରମ ଦ୍ବାରା ଆପଣଙ୍କୁ ପୂର୍ଣ୍ଣ ଫଳ ମିଳିବ । ଉଚ୍ଚ ପଦବୀ କିମ୍ବା ନୂତନ ଦାୟିତ୍ୱ ପାଇବା ସହିତ ସମାଜରେ ଆପଣଙ୍କର ପ୍ରତିଷ୍ଠା ଏବଂ ପ୍ରଭାବ ବୃଦ୍ଧି ପାଇବ। ସରକାରୀ କିମ୍ବା ପ୍ରଶାସନିକ କ୍ଷେତ୍ରରେ ଜଡିତ ବ୍ୟକ୍ତିମାନଙ୍କୁ ବିଶେଷ ଲାଭ ମିଳିପାରେ ।
ଧନୁ: ଭାଗ୍ୟର ପୂର୍ଣ୍ଣ ସମର୍ଥନ ମିଳିବ । ଉଚ୍ଚଶିକ୍ଷାକୁ ନେଇ ପ୍ରସ୍ତୁତ ହେଉଥିବା ପିଲାଙ୍କ ପାଇଁ ଏହି ସମୟ ଖୁବ୍ ଭଲ ରହିବ । ଧାର୍ମିକ ଏବଂ ଆଧ୍ୟାତ୍ମିକ କାର୍ଯ୍ୟରେ ଆଗ୍ରହ ବୃଦ୍ଧି ପାଇବ । ଦୂର ଯାତ୍ରା କିମ୍ବା ତୀର୍ଥଯାତ୍ରାର ସମ୍ଭାବନା ରହିଛି ।
ମକର: ଯାତ୍ରା ସମୟରେ ବିଶେଷ ସତର୍କତା ଅବଲମ୍ବନ କରନ୍ତୁ । ହଠାତ୍ ଆର୍ଥିକ ଲାଭ ସମ୍ଭବ, କିନ୍ତୁ ପୈତୃକ ସମ୍ପତ୍ତି ସମ୍ବନ୍ଧୀୟ ବିବାଦଠାରୁ ନିଜକୁ ଦୂରେଇ ରଖନ୍ତୁ ।
କୁମ୍ଭ: ବୈବାହିକ ଜୀବନରେ ଅଶାନ୍ତି ଦେଖାଦେଇପାରେ । ଆଇନଗତ ମାମଲାରେ କୌଣସି ବଡ଼ ପଦକ୍ଷେପ ନିଅନ୍ତୁ। ଏହି ସମୟରେ ସତର୍କତାର ସହିତ ବିଚାର କରନ୍ତୁ ।
ମୀନ: ଶତ୍ରମାନଙ୍କ ଉପରେ ବିଜୟୀ ହେବେ । ପୁରୁଣା ଋଣରୁ ମୁକ୍ତି ମିଳିବ । ଅସୁସ୍ଥତା ଯୋଗୁଁ କଷ୍ଟ ପାଉଥିଲେ ଆପଣଙ୍କୁ ଆଶ୍ବସ୍ତି ମିଳିବ । ସହକର୍ମୀଙ୍କ ଠାରୁ ସମର୍ଥନ ପାଇବେ । ଛାତ୍ରମାନେ ପ୍ରତିଯୋଗିତାମୂଳକ ପରୀକ୍ଷାରେ ସଫଳତା ପାଇପାରନ୍ତି ।
ପ୍ରତିକାର ସ୍ବରୂପ ପ୍ରତିଦିନ ସକାଳେ ସ୍ନାନ ପରେ ଏକ ତମ୍ବା ପାତ୍ରରେ ସୂର୍ଯ୍ୟ ଦେବତାଙ୍କୁ ଜଳ ଅର୍ପଣ କରନ୍ତୁ । ସେଥିରେ କିଛି ଲାଲ ଫୁଲ ଏବଂ ଅକ୍ଷତ ମିଶାନ୍ତୁ । ଆଦିତ୍ୟ ହୃଦୟ ସ୍ତୋତ୍ର ନିୟମିତ ପାଠ କରନ୍ତୁ । ଯାହା ଆତ୍ମବିଶ୍ୱାସ ବୃଦ୍ଧି କରିବା ସହ କ୍ୟାରିଅରର ସମସ୍ୟାଗୁଡ଼ିକୁ ଦୂର କରିବ । ଏଥିସହିତ ରବିବାର ଦିନ ତମ୍ବା, ଗୁଡ଼, ଗହମ କିମ୍ବା ଲାଲ ବସ୍ତ୍ର ଦାନ କରିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ । ତୁମର ପିତା ଏବଂ ବୟସ୍କମାନଙ୍କୁ ସମ୍ମାନ କର ।
