ଉନ୍ନତିକରଣ ନାଁରେ ଅର୍ଥର ଅପଚୟ? କାମ ସରିବା ପୂର୍ବରୁ ଧସିଲା ପୋଖରୀ ବନ୍ଧ, ଉଠିଲା କାର୍ଯ୍ୟର ମାନକୁ ନେଇ ପ୍ରଶ୍ନ

ଗଜପତି ଜିଲ୍ଲାର ରାୟଗଡ଼ ବ୍ଲକ ଅନ୍ତର୍ଗତ ହାଟପଦା ପୋଖରୀ ଉନ୍ନତିକରଣ ପ୍ରକଳ୍ପକୁ ନେଇ ବିବାଦ ଦେଖାଦେଇଛି। କାମ ସମ୍ପୂର୍ଣ୍ଣ ହେବା ପୂର୍ବରୁ ହିଁ ପୋଖରୀ ବନ୍ଧର ଏକ ଅଂଶ ଧସିଯାଇଥିବା ଅଭିଯୋଗ ସାମ୍ନାକୁ ଆସିଛି। ସ୍ଥାନୀୟ ଲୋକଙ୍କ କହିବା ଅନୁସାରେ, ଅଳ୍ପ କିଛି ବର୍ଷାରେ ଯଦି ବନ୍ଧର ଏପରି ଅବସ୍ଥା ହୁଏ, ତେବେ କାମର ଗୁଣବତ୍ତା କେତେ ଥିଲା ତାହା ସହଜରେ ଅନୁମାନ କରାଯାଇପାରେ। ସରକାରୀ ଅର୍ଥରେ ହୋଇଥିବା ଏହି ଉନ୍ନତିକରଣ କାମର ମାନକୁ ନେଇ ଏବେ ବଡ଼ ପ୍ରଶ୍ନଉଠିଛି।ଧସିଯାଇଥିବା ବନ୍ଧର ଦୃଶ୍ୟ ଦେଖି ସ୍ଥାନୀୟ ଅଞ୍ଚଳରେ ବିଭିନ୍ନ ପ୍ରଶ୍ନ ସୃଷ୍ଟି ହୋଇଛି। ଏହା କି ନିମ୍ନମାନର କାମର ପରିଣାମ, ନା ଅନ୍ୟ କୌଣସି କାରଣ? ଏହାର ପ୍ରକୃତ କାରଣ ସରକାରୀ ତଦନ୍ତ ପରେ ହିଁ ସ୍ପଷ୍ଟ ହେବ। ଏହି ଘଟଣାକୁ ନେଇ ସ୍ଥାନୀୟ ଲୋକ ପ୍ରକଳ୍ପର ବୈଷୟିକ ଯାଞ୍ଚ କରିବା ସହ କାମର ଗୁଣବତ୍ତା ଏବଂ ଅର୍ଥ ବ୍ୟୟର ତଦନ୍ତ କରିବାକୁ ଦାବି କରିଛନ୍ତି। ଯଦି କୌଣସି ଅନିୟମିତତା ପ୍ରମାଣିତ ହୁଏ, ତେବେ ସମ୍ପୃକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ମଧ୍ୟ ଦାବି ହେଉଛି।